Մադրիդի «Աթլետիկոյի» գլխավոր մարզիչ Դիեգո Սիմեոնեն կարծում է, որ աշխարհի ակումբային առաջնության առաջին տուրում ՊՍԺ-ից կրած պարտության (0-4) պատճառը շոգը չէ.
«Օգոստոսին նույնպես շոգ է, խնդիրը դա չէր։ Երկու թիմերն էլ խաղում էին նույն պայմաններում, բայց մրցակիցն ավելի լավ էր գործում։ Նրանք ունեն շատ երիտասարդ կազմ և անչափ անկանխատեսելի վինգերներ։ Մեր ուժերը չբավականացրին։
Պարտությունն ու բաց թողած գոլերի քանակը ծանր էին, բայց դրանք կստիպեն մեզ առաջ նայել։ Այս պահից արդեն մտածում եմ մեր հաջորդ հանդիպման մասին։ Ամբողջ էներգիան կկենտրոնացնենք` լավ իմանալով, որ հետագայում էլ մեծ մրցակցություն է սպասում»,- արգենտինացի մասնագետի խոսքը մեջբերում է As-ը։
«Ռոխիբլանկոսն» աշխարհի ակումբային առաջնության B խմբում հաջորդ հանդիպումը կանցկացնի հունիսի 20-ին՝ մրցելով ամերիկյան «Սիեթլ Սաունդերսի» դեմ։
