Մոսկվայի «Լոկոմոտիվի» պաշտպան Նաիր Թիկնիզյանը ԲԿՄԱ-ի դեմ Ռուսաստանի Պրեմիեր լիգայի 29-րդ տուրի խաղից (2-2) հետո ասել է, որ մրցաշրջանի ավարտին ակումբի ղեկավարությանը կխնդրի թույլ տալ իրեն հեռանալ, հաղորդում է Sport24-ը:
«Ես անպետք եմ զգում։ Ուզում եմ փոփոխություն ամռանը։ Ես մեծ հարգանք ունեմ «Լոկոմոտիվի» նկատմամբ։ Շնորհակալ եմ ինձ համար ակումբի կողմից արված ամեն ինչի համար։ Նաև շնորհակալ եմ գլխավոր մարզչին, բայց այսօր ես նույնիսկ ռոտացիոն խաղացող չեմ։ Սա պետք է ընդունել արժանապատվորեն։
Ես հասկանում եմ ամբողջ իրավիճակը։ Մրցաշրջանի ավարտից հետո կլինի երկխոսություն, որի ընթացքում ինքս կգամ ղեկավարության մոտ և կխնդրեմ թույլ տալ ինձ հեռանալ։ Դժբախտաբար, «Լոկոմոտիվում» անցկացրած չորս մրցաշրջանների ընթացքում ես ոչինչ չկարողացա նվաճել։ Ակումբն ինձ ավելին տվեց, քան ես ինքնուրույն ստացա։
Դժվար է ամբողջ տարի լուռ քայլել՝ ձևացնելով, թե ոչինչ չի պատահել։ Ափսոս է, երբ պատրաստ էիր կյանքդ զոհաբերել մեկ ուրիշի համար, բայց ի վերջո դարձար մերժված։ Բայց կյանքն է այդպիսին, իրավիճակը այդպիսին է: Ես ամեն ինչ հասկանում եմ։
Հավանաբար դուք կցանկանաք հարցնել Եվրոպայի մասին։ Ինձ համար զվարճալի է սա կարդալը, հատկապես, երբ չես խաղում։ Ի՞նչ «Վերոնա», ի՞նչ «Սևիլիա»... Ես վատ եմ զգում։ Խաղային պրակտիկա չունեցող ֆուտբոլիստը մեռած խաղացող է։
Ես վատ զգացողություններ չունեմ։ Պարզապես պետք է առաջ շարժվել»,- ասել է 26-ամյա ֆուտբոլիստը, որը մոսկովյան դերբիում խաղաժամանակ չի ստացել:
Ավելի վաղ տեղեկություններ կային, որ Հայաստանի ազգային հավաքականի ֆուտբոլիստի ծառայություններով հետաքրքրված են իսպանական «Սևիլիան» ու «Լեգանեսը»։
Ավարտվող մրցաշրջանում Թիկնիզյանը «Լոկոմոտիվի» կազմում անցկացրել է 33 խաղ, խփել երկու գոլ և կատարել չորս գոլային փոխանցում։
Թիկնիզյանն ու Սևիկյանը խաղաժամանակ չեն ստացել մոսկովյան դերբիում
