ՈւԵՖԱ-ի շտաբ-բնակարանում կայացած վիճակահանությամբ որոշվել է «Արարատ-Արմենիա» (Հայաստան) - «Պայդե» (Էստոնիա) Կոնֆերենցիաների լիգայի որակավորման 2-րդ փուլի դիմակայության հաղթողի հաջորդ մրցակիցը։ Այս զույգի հաղթողին որակավորման 3-րդ փուլում սպասում է բելգիական «Անդերլեխտը»։

Առաջին խաղը բելգիական ակումբը կանցկացնի մրցակցի դաշտում։ Կոնֆերենցիաների լիգայի որակավորման 3-րդ փուլի առաջին խաղերը նախատեսված են օգոստոսի 4-ին, պատասխան հանդիպումները՝ մեկ շաբաթ անց։ 

Հիշեցնենք, որ «Արարատ-Արմենիա» - «Պայդե» հանդիպումը տեղի կունենա հուլիսի 21-ին Ֆուտբոլի ակադեմիայում և կսկսվի ժամը 19:00-ին: Պատասխան խաղը նշանակված է հուլիսի 28-ին։

Հիշեցնենք, որ «Արարատ-Արմենիան» Կոնֆերենցիաների լիգայում պայքարը կսկսի որակավորման 2-րդ փուլից։ Հայաստանի մյուս 2 ներկայացուցիչներ «Ալաշկերտն» ու «Արարատը» չէին կարողացել հաղթահարել որակավորման առաջին փուլի արգելքը։