«Ինտերի» հարձակվող Լաուտարո Մարտինեսը Չեմպիոնների լիգայի կիսաեզրափակիչի պատասխան խաղում գրավեց «Բարսելոնայի» դարպասն ու կրկնեց Էռնան Կրեսպոյի ռեկորդը, հայտնում է Squawka-ն։
«Ներաձուրիի» ավագը Չեմպիոնների լիգայի ընթացիկ մրցաշրջանում խփեց 9-րդ գոլը։ Դա միլանյան ակումբի պատմության մեջ լավագույն ցուցանիշն է ակումբային գլխավոր եվրագավաթի մեկ մրցաշրջանում։
2002/03 մրցաշրջանում Էռնան Կրեսպոն նույնպես աչքի էր ընկել 9 գոլով։
«Ինտեր» - «Բարսելոնա» հանդիպումը «Ֆասթ Սպորտ»-ի ուղիղ եթերում է, հասանելի է նաև Fast TV հավելվածում (iOS, Android):
