Բրազիլական «Բոտաֆոգոյի» նորեկ Խոակին Կորեայի ճեպազրույցի ժամանակ զավեշտալի դեպք է գրանցվել, լրագրողներից մեկը կարծել է, թե նա Մադրիդի «Աթլետիկոյի» արգենտինացի վինգեր Անխել Կորեայի եղբայրն է:
Լրագրողի հարցը Խոակին Կորեային.
«Ինչպե՞ս կզգաք ձեզ ձեր եղբոր՝ Անխել Կորեայի դեմ հանդիպման ժամանակ»։
Խոակին Կորեայի պատասխանը.
«Նա իմ եղբայրը չէ»։
Լրագրող.
«Նրա ազգանունը Կորեա չէ՞»։
Խոակին Կորեա.
«Այո՛, բայց Կորեա ազգանունով բոլորը չեն, որ իմ եղբայրն են»։
Հիշեցնենք, որ բրազիլական և իսպանական ակումբները կմրցեն ԱՄՆ-ում մեկնարկած աշխարհի ակումբային առաջնության խմբային փուլում:
