Անգլիայի Պրեմիեր լիգայի 37-րդ տուրում «Լեսթերը» սեփական դաշտում 2-0 հաշվով հաղթեց «Իփսվիչ Թաունին»։
28-րդ րոպեին մրցակցի դարպասը գրավեց ու հաշիվը բացեց «Լեսթերի» լեգենդար ավագ Ջեյմի Վարդին։ Նա տնային վերջին հանդիպումն անցկացրեց ակումբում։
38-ամյա ֆուտբոլիստը հայտարարել է, որ մրցաշրջանի ավարտին հեռանալու է ակումբից։
«Լեսթերը» 25 միավորով 18-րդն է, «Իփսվիչը»` 22 միավորով 19-րդը։ Երկու ակումբներն էլ դուրս են մնացել Պրեմիեր լիգայից։
Անգլիայի Պրեմիեր լիգա, 37-րդ տուր
«Լեսթեր» - «Իփսվիչ Թաուն»` 2-0 (տեսանյութ)
Ջեյմի Վարդի, 28, Քեյսի Մաքաթիր, 69