Վիկտոր Դյոկերեշը շարունակում է պայքարել «Սպորտինգից» հեռանալու համար, տեղեկացնում է The Athletic-ը։
Շվեդիայի հավաքականի հարձակվողը չի ցանկանում մնալ պորտուգալական ակումբում․ նա «Սպորտինգին» կրկին հայտնել է, որ չի միանալու թիմի մարզումներին։ Ֆուտբոլիստը դավաճանված է զգում, որովհետև «Սպորտինգի» նախագահ Ֆեդերիկո Վարանդաշը հրաժարվել է Դյոկերեշի տրանսֆերային իրավունքը պայմանագրում նշված 60 միլիոն եվրոյով վաճառելուց։
27-ամյա հարձակվողը մտածում է միայն «Արսենալ» տեղափոխվելու մասին ու չի դիտարկում այլ տարբերակներ։
2024/25 մրցաշրջանում Դյոկերեշը 51 խաղում խփել է 54 գոլ, կատարել է 8 գոլային փոխանցում։
