Արգենտինայի առաջնության Կլաուսուրայի երկրորդ տուրում «Բանֆիլդը» հյուրընկալվելիս 2-1 հաշվով հաղթել է «Նյուելս Օլդ Բոյսին»։
Հյուրերի կազմում մեկնարկային րոպեներից խաղին մասնակցել է Հայաստանի ազգային հավաքականի նորեկ Թոմաս Ադորյանը, որը 44-րդ րոպեին ասիստ է կատարել Ռոդրիգո Աուսմենդիին։
Ադորյանը փոխարինվել է 60-րդ րոպեին։
«Բանֆիլդը» 4 միավորով A խմբի առաջատարն է։ «Նյուելս Օլդ Բոյսը» 5-րդն է և ունի 3 միավոր։
Արգենտինայի առաջնություն, Կլաուսուրա, երկրորդ տուր
A խումբ
«Նյուելս Օլդ Բոյս» - «Բանֆիլդ»` 1-2
Էվեր Բանեգա, 59 - Ռոդրիգո Աուսմենդի, 44, Մաուրո Մենդես, 73
