«Արարատ-Արմենիան» նոր պայմանագիր է ստորագրել դարպասապահ Արման Ներսեսյանի ու հարձակվող Արայիկ Էլոյանի հետ, հաղորդում է ակումբի մամուլի ծառայությունը։
Նրանց համաձայնագրերն ուժի մեջ կլինեն մինչև 2028թ. հունիսի 30-ը ներառյալ։
Ներսեսյանը 2019 թվականից հանդես էր գալիս Երևանի ԲԿՄԱ-ում, 141 խաղից 33-ում դարպասն անառիկ է պահել։ Էլոյանն էլ 2022թ. հուլիսին էր միացել «Բանակայիններին», 56 խաղում 14 գոլ է խփել, կատարել 8 ասիստ։
Երկու ֆուտբոլիստներն էլ այս ամռանն են վերադարձել «Արարատ-Արմենիա»։