«Կոմոյի» գլխավոր մարզիչ Սեսկ Ֆաբրեգասը «Ռոմայում» կարող է փոխարինել Կլաուդիո Ռանիերիին, հաղորդում է Goal.com-ը։
Իսպանացի մասնագետի կատարած աշխատանքը տպավորել է Իտալիայի մայրաքաղաքը ներկայացնող թիմին, ու նրանք ցանկանում են Ֆաբրեգասին տեսնել «Ռոմայի» ղեկին։
Սակայն «Կոմոյի» գլխավոր մարզիչը մտադիր չէ հեռանալ ակումբից։ Ավելի վաղ Ֆաբրեգասը մերժել էր գերմանական «Լայպցիգի» ու իտալական մի քանի ակումբների առաջարկները և ցանկություն էր հայտնել մնալ «Կոմոյում», որը պահպանել է տեղն Ա Սերիայում։
«Ռոման» դիտարկում է նաև Ստեֆանո Պիոլիի կամ Պատրիկ Վիեյրայի նշանակման տարբերակները։
