Անգլիական Պրեմիեր լիգայի 29-րդ տուրից հետաձգված խաղում «Լիվերպուլը» մերսիսայդյան դերբիում հյուրընկալվելիս 0-2 հաշվով պարտվեց «Էվերթոնին»։

«Լիվերպուլը» մնաց 74 միավորով և զբաղեցնում է երկրորդ տեղը։ Առաջնության առաջատար «Արսենալն» ունի 77 միավոր, իսկ գործող չեմպիոն «Մանչեսթեր Սիթին», որը երկու հանդիպում քիչ է անցկացրել մրցակիցների համեմատ, 73 միավորով երրորդն է։ «Էվերթոնը» վաստակեց 33 միավոր և 16-րդ տեղում է։

«Մանչեսթեր Յունայթեդը» տանը համառ պայքարում 4-2 հաշվով կամային հաղթանակ տարավ առաջնության հետնապահ «Շեֆիլդ Յունայթեդի» նկատմամբ։

Էրիկ Տեն Հագի գլխավորած թիմից դուբլի հեղինակ դարձավ պորտուգալացի կիսապաշտպան Բրունու Ֆերնանդեշը, մեկական գոլ էլ խփեցին անգլիացի պաշտպան Հարի Մագուայերն ու դանիացի հարձակվող Ռասմուս Հոյլունը։

Մանկունյական ակումբը 53 միավորով բարձրացավ 6-րդ տեղ, «Շեֆիլդը» 16 միավորով վերջինը` 20-րդն է մրցաշարային աղյուսակում։

Պերմեիր լիգա, 29-րդ տուր

«Մանչեսթեր Յունայթեդ» - «Շեֆիլդ Յունայթեդ»` 4-2 

Հարի Մագուայեր, 42, Բրունու Ֆերնանդեշ, 61 (11մ), 81, Ռասմուս Հոյլուն, 85 - Ջեյդեն Բոգլ, 35, Բեն Բրերերտոն, 50

«Էվերթոն» - «Լիվերպուլ»` 2-0 (տեսանյութ)

Ջարեդ Բրենթուեյթ, 27, Դոմինիկ Կալվերտ-Լյուին, 58