Տիրասպոլի «Շերիֆի» և Հայաստանի ազգային հավաքականի կիսապաշտպան Արթուր Սերոբյանը հայտնվել է մի շարք ակումբների ուշադրության կենտրոնում, հայտնում է «Ֆասթ Մեդիա»-ի մարզական մեկնաբան, ֆուտբոլային ինսայդեր Սուրեն Մելիքսեթյանը:
Ակումբներից մեկն «Ուդինեզեն» է։ Իտալիայի Ա Սերիայում հանդես եկող ակումբի ներկայացուցիչներին դուր է եկել 21-ամյա վինգերի խաղը։
Սերոբյանի ծառայություններով լրջորեն հետաքրքրված է «Իստրան», որը Խորվաթիայի առաջնության 2024/25 մրցաշրջանում զբաղեցրել է 6-րդ տեղը։
«Սոչին» նույնպես հետաքրքրված է հայ ֆուտբոլիստի ծառայություններով։ Ռուսական ակումբը դեռ նախորդ տարի էր ցանկանում ձեռք բերել նրան։
Սերոբյանն այս տարվա փետրվարին է վարձավճարով «Արարատ-Արմենիայից» տեղափոխվել «Շերիֆ»։ Մոլդովական ակումբում նա 14 խաղում 2 գոլ է խփել, կատարել 5 ասիստ։
