Բրազիլիայի հավաքականի նորանշանակ գլխավոր մարզիչ Կառլո Անչելոտին խոսել է նախկինում բրազիլացի ֆուտբոլիստների հետ իր կատարած աշխատանքի մասին:
«Ես 34 բրազիլացի ֆուտբոլիստների հետ եմ աշխատել և նրանցից միայն մեկի հետ եմ խնդիր ունեցել, սակայն չեմ ասի, թե ում: Ռոնալդոն լավագույն բրազիլացին է եղել, որին մարզել եմ. նա պարզապես ֆանտաստիկ էր: Ի դեպ, նա աշխարհի ամենակենսուրախ մարդկանցից է:
Ամենապրոֆեսիոնալը, հավանաբար, Կաֆուն է: Իսկ ինչ վերաբերում է կատակասերներին... Միլիտաոն ու Վինիսիուսն ինձ շատ են ծիծաղեցրել: Վինին շատ համեստ տղա է: Ֆուտբոլիստները զանգեցին ինձ ու շնորհավորեցին, ես նրանց հետ միշտ լավ հարաբերություններ եմ ունեցել», - ասել է իտալացին Marca-ի հետ զրույցում:
