Ամերիկյան «Ինտեր Մայամին» աշխարհի ակումբային առաջնությունում առաջին հաղթանակը տարավ:

Արգենտինացի Խավյեր Մասկերանոյի գլխավորած թիմն A խմբի երկրորդ տուրի երկրորդ խաղում 2-1 հաշվով կամային հաղթանակի հասավ պորտուգալական «Պորտուի» հետ պայքարում:

Հաղթական գոլը 54-րդ րոպեին տուգանային հարվածով խփեց լեգենդար արգենտինացի հարձակվող Լիոնել Մեսին: Սա 37-ամյա ֆուտբոլիստի կարիերայի 866-րդ գոլն է, 50-րդը` Մայամիի թիմի կազմում:

53' ARE YOU NOT ENTERTAINED? 🐐

Messi scores a GORGEOUS free kick goal and @InterMiami are now leading 2-1 versus @FCPorto!

Watch the @FIFACWC | June 14 - July 13 | Every Game | Free | https://t.co/i0K4eUtwwb | #FIFACWC #TakeItToTheWorld #MIAFCP pic.twitter.com/KvshKKFrrY

— DAZN Football (@DAZNFootball) June 19, 2025

Քիչ առաջ այս խմբում բրազիլական «Պալմեյրասը» 2-0 հաշվով հաղթել էր Եգիպտոսի չեմպիոն «Ալ Ահլիին»: Այսպիսով՝ երկրորդ տուրից հետո «Պալմեյրասն» ու «Ինտեր Մայամին» 4-ական միավորով 1-2-րդ տեղերն են բաժանում, իսկ «Պորտուն» և «Ալ Ահլին»` 1-ական միավորով 3-4-րդ:

Աշխարհի ակումբային առաջնություն, խմբային փուլ, երկրորդ տուր

A խումբ

«Ինտեր Մայամի» (ԱՄՆ) -  «Պորտու» (Պորտուգալիա)` 2-1 (տեսանյութ)

Տելասկո Սեգովիա, 47, Լիոնել Մեսի, 54 - Սամու Ագեհովա, 8 (11մ)