Իսպանական Լա լիգայի նախագահ Խավյեր Տեբասը խոսել է Մադրիդի «Ռեալի» նախագահ Ֆլորենտինո Պերեսի հետ ունեցած հակասությունների մասին:
«Ֆլորենտինոն մեր հակառակորդն է այն իմաստով, թե ինչպես է տեսնում ֆուտբոլը: Նա ցանկանում է օլիգարխիկ ֆուտբոլ տեսնել:
Պերեսը հաճախ կրկնում է, որ «Ռեալն» ավելի շատ է ստեղծում, քան «Բարսելոնան», իսկ մնացած ակումբները ստիպված են օգտվել փշրանքներից: Այստեղ ես համաձայն չեմ նրա հետ:
Ֆլորենտինոն մեծագույն նախագահ է: Նա ակումբը հզոր է դարձրել, սակայն կառավարել ակումբն այլ բան է, իսկ բոլորովին այլ բան է մնացած ոլորտներում կառավարելը:
Դրանք բոլորովին տարբեր ֆուտբոլային մոդելներ են»,- ֆուտբոլային ֆունկցիոների խոսքը մեջբերում է Marca-ն:
Ավելի վաղ մարիդյան գրանդը բողոք էր ներկայացրել Տեբասի դեմ: «Արքայական ակումբը» պնդում է, որ Խավյեր Տեբասը խախտել է 2023 թվականի ապրիլին մրցավարության վերաբերյալ անցկացված անանուն հարցման գաղտնիությունը: Այդ հարցումից հետո բացահայտվել է «Ռեալի» քվեարկությունը, իսկ դա, ակումբի պնդմամբ, խախտում է իրենց իրավունքները:
