ՈւԵՖԱ-ի Ազգերի լիգայի խաղարկությունում շարունակվում է խմբային փուլի վերջին` 6-րդ տուրը:

A դիվիզիոնի չորրորդ խմբում Եվրոպայի գործող չեմպիոն Իսպանիան Տեներիֆեում ընդունեց Շվեյցարիայի հավաքականին և հաղթանակ կորզեց աավելացված ժամանակի երրորդ րոպեին` 3-2:

Լուիս դե լա Ֆուենտեի գլխավորած թիմից գոլի հեղինակ դարձան կիսապաշտպաններ, «Վիլյառեալից» Յերեմի Պինոն,  կատալոնական «Ժիրոնայից» Բրայան Խիլը, «Օսասունայից» Բրայան Սարագոսան, որը դիպուկ գտնվեց 11-մետրանոցից:

Ի դեպ, առաջին գոլի դրվագում 11-մետրանոցից վրիպեց կատալոնական «Բարսելոնայի» կիսապաշտպան Պեդրին, երկրորդ հարվածով Շվեյցարիայի դարպասը գրավեց Պինոն:

Խմբի մյուս խաղում Սերբիան ու Դանիան գոլեր չխփեցին` 0-0:

Այսպիսով, Իսպանիան 18 միավորով գրավեց առաջին տեղը, Դանիան` 8 միավորով երկրորդ: Այս հավաքականները հանդես կգան փլեյ-օֆֆում: Սերբիան 6 միավորով գրավեց երրորդ տեղը և փլեյ-օֆֆում կպայքարի A դիվիզիոնում մնալու համար, Շվեյցարիան երկու միավորով վերջին` չորրորդ տեղում է և նահանջում է B դիվիզիոն:

A դիվիզիոնի առաջին խմբի կենտրոնական խաղում էլ մրցեցին Խորվաթիան և Պորտուգալիան: Առաջին խաղակեսում պորտուգալացիներից հաշիվը բացեց Լոնդոնի «Չելսիի» հարձակվող Ժոաու Ֆելիքսը, երկրորդում Խորվաթիայից պատասխանեց անգլիական «Մանչեսթեր Սիթիի» պաշտպան Յոշկո Գվարդիոլը` 1-1:

Խմբի մյուս խաղում Շոտլանդիան հյուրընկալվելիս 2-1 հաշվով առավելության հասավ Լեհաստանի հավաքականի նկատմամբ:

Այսպիսով, Պորտուգալիան 14 միավորով գրավեց առաջին տեղը, Խորվաթիան` 8 միավորով երկրորդ: Այս հավաքականները հանդես կգան փլեյ-օֆֆում: Շոտլանդիան 6 միավորով գրավեց երրորդ տեղը և փլեյ-օֆֆում կպայքարի A դիվիզիոնում մնալու համար, Լեհաստանը չորս միավորով վերջին` չորրորդ տեղում է և նահանջում է B դիվիզիոն:

Ազգերի լիգա, խմբային փուլ, 6-րդ տուր

A դիվիզիոն, առաջին խումբ

Խորվաթիա - Պորտուգալիա` 1-1 (տեսանյութ)

Յոշկո Գվարդիոլ, 65 - Ժոաու Ֆելիքս, 33

Լեհաստան - Շոտլանդիա` 1-2 (տեսանյութ)

Կամիլ Պիատկովսկի, 59 - Ջոն Մաքգին, 3, Էնդրյու Ռոբերտսոն, 90+3

A դիվիզիոն, չորրորդ խումբ

Իսպանիա - Շվեյցարիա` 3-2 (տեսանյութ)

Յերեմի Պինո, 32, Բրայան Խիլ, 68, Բրայան Սարագոսա, 90+3 (11մ) - Ջոել Մոնտեյրո, 63, Անդի Զեքիրի, 85 (11մ)

Չիրացրաած 11-մետրանոց` Պեդրի, 32 (Իսպանիա)

Սերբիա - Դանիա` 0-0 (տեսանյութ)

Հեռացում` Ստրաինյա Պովլովիչ, 90+5 (Սերբիա)

C դիվիզիոն, երկրորդ խումբ

Կոսովո - Լիտվա` 1-0 (տեսանյութ)

Ռումինիա - Կիպրոս` 4-1 (տեսանյութ)

C դիվիզիոն, երրորդ խումբ

Բուլղարիա - Բելառուս` 1-1 (տեսանյութ)

Լյուքսեմբուրգ - Հյուսիսային Իռլանդիա` 2-2 (տեսանյութ)

D դիվիզիոն, առաջին խումբ

Լիխտենշտայն - Սան Մարինո` 1-3 (տեսանյութ)