Ղազախական «Աստանայից» հեռանացած Կամո Հովհաննիսյանը մարզվում է «Արարատ-Արմենիայի» կազմում։
«Ֆասթ Մեդիայի» մարզական մեկնաբան, ֆուտբոլային ինսայդեր Սուրեն Մելիքսեթյանը հայտնում է, որ Հայաստանի ազգային հավաքականի պաշտպանը, մեծ հավանականությամբ, պայմանագիր կկնքի երևանյան ակումբի հետ։
Հիշեցնենք, որ Կամո Հովհաննիսյանը 2022 թվականից էր խաղում «Աստանայում», որի հետ պայմանագրի ժամկետը լրացել է դեկտեմբերին։ Կարիերայի ընթացքում 31-ամյա ֆուտբոլիստը հանդես է եկել նաև Երևանի «Փյունիկում», «Ալաշկերտում», բելառուսական «Տորպեդոյում» (Ժոդինո), ղազախական «Ժետիսուում» ու «Կայրաթում»։ Transfermarkt-ը 800 հազար եվրո է գնահատում նրա տրանսֆերային արժեքը։
Ֆոտո՝ ՀՖՖ
