Լոնդոնի «Արսենալի» նախկին գլխավոր մարզիչ Արսեն Վենգերը կարծում է, որ Եվրոպա լիգայի հաղթղը չպետք է ավտոմատ որակավորվի Չեմպիոնների լիգային, հաղորդում է beIN SPORTS-ը:
«Կարծում եմ՝ դա սխալ է։ Նրանք պետք է կրկին ավտոմատ կերպով տեղ ստանան Եվրոպա լիգայում, ոչ թե Չեմպիոնների լիգայում։ Հատկապես, երբ հաղթողն Անգլիայի Պրեմիեր լիգայից լինի։ Այնտեղից արդեն 5 թիմ որակավորվում է: Կարծում եմ՝ ՈՒԵՖԱ-ն պետք է վերանայի սա:
Մյուս կողմից՝ ոմանք կպնդեն, որ Եվրոպա լիգան հետաքրքիր պահելու համար ակումբներին անհրաժեշտ է Չեմպիոնների լիգայում տեղ՝ գավաթի հետ մեկտեղ»,- ասել է ֆրանսիացին:
Անգլիական «Մանչեսթեր Յունայթեդը» և «Տոտենհեմը», որոնք հասել են Եվրոպա լիգայի կիսաեզրափակիչ, մրցաշարը հաղթելու ֆավորիտներն են։ Եթե անգլիական թիմ հաղթի Եվրոպա լիգան, Պրեմիեր լիգան Չեմպիոնների լիգայում կունենա 6 ներկայացուցիչ:
🗣️ "They should qualify automatically for the Europa League again, not necessarily for the Champions League. Especially when you're in a league where five teams qualify..."
— beIN SPORTS (@beINSPORTS_EN) May 4, 2025
Arsene Wenger on the prize of Champions League football for winning the Europa League 👀#MUFC #Spurs pic.twitter.com/Fm4yUqg4KI
