«Լիվերպուլը» պաշտոնապես ներկայացրեց թիմի նորեկ Նաբի Կեյտային: Երիտասարդ կիսապաշտպանը նոր ակումբում հանդես կգա 8 համարի ներքո, որը նախկինում պատկանել է «Լիվերպուլի» լեգենդ Սթիվեն Ջերարդին:
Կեյտան հարցազույց է տվել Liverpoolfc.com կայքին, որտեղ նշել է, թե ինչու է ընտրել հենց այս ակումբը:
«Երբ տեսա, թե ինչպես էին նրանք խաղում անցած մրցաշրջանում, ցանկություն առաջացավ լինել այդ թիմի մասնիկը: Այս ակումբի մասին շատ եմ խոսել նաև Սադիո Մանեի հետ, նա ինձ խորհուրդ տվեց տեղափոխվել «Լիվերպուլ»:
Խոսել եմ նաև մարզչի հետ, և նա պատմեց թիմի նպատակների մասին և մոտիվացրեց ինձ»,- ասել է Նաբի Կեյտան:
23-ամյա կիսապաշտպանը նախորդ երկու մրցաշրջաններում 71 խաղ է անցկացրել և դարձել է 17 գոլի հեղինակ:
