Երեկ՝ մարտի 30-ին, «Զանգակ» գրատանը տեղի ունեցավ ռեժիսոր, սցենարիստ, այժմ նաև գրող Մհեր Մկրտչյանի առաջին գրքի շնորհանդեսը: Ռուսալեզու գրքի անունն է «Поцелуй пьяной обезьяны», ինչը, հեղինակի խոսքով, միանգամայն համապասխանում է ստեղծագործությանը:
«Իմ կարծիքով գրքին հարմար վերնագիր է ընտրվել, իսկ թե ինչու՝ կհասկանաք արդեն գիրքն ընթերցելուց հետո: Ինչպես արվեստի մյուս ճյուղերում արված իմ աշխատանքները, այս մեկը ևս մարդու մասին է: Այն ժամանակակից պատմություն է երկու մարդկանց մասին, որոնք ծանոթ չեն, սակայն սերտ կապված են: Ասեմ նաև, որ եթե զգամ, որ կարդացվում է, ու ընթերցողը սիրում է ստեղծագործությունն, ապա գիրքն անպայման կվերածեմ նաև ֆիլմի: Հավելեմ՝ գիրքը ռուսալեզու է, քանի որ հայերեն ստեղծագործել դեռ ընդունակ չեմ»:
Գիրքը հրատարակել է «Անտարես» հրատարակչությունը, որի գլխավոր խմբագիր, գրականագետ, բանասիրական գիտությունների թեկնածու Արքմենիկ Նիկողոսյանը շնորհանդեսի ժամանակ ասաց.
«Ցանկանում էինք այնպես հրատարակել գիրքը, որ ռուսերենին զուգահեռ հայերեն տարբերակն էլ ունենայինք: Բայց հեղինակի ցանկության համաձայն ռուսերեն հրատարակեցինք: Սա նաև փորձ է տեսնելու՝ կսիրվի՞ ու կընդունվի՞ արդյոք օտարալեզու այն գիրքը, որի հեղինակը հայ է»:
VNews-ը ներկա է եղել «Поцелуй пьяной обезьяны» գրքի շնորհանդեսին և ներկայացնում է օրվա լավագույն կադրերը.
