Մադրիդի «Ռեալը» գերմանացի հարձակվող Ֆլորիան Վիրցի տրանսֆերի շուրջ համաձայնության է հասել Լևերկուզենի «Բայերի» հետ, հայտնում է Marca-ն:

Գերմանիայի ազգային հավաքականի 21-ամյա ֆուտբոլիստը Չեմպիոնների լիգայի 15-ակի գավաթակրի կազմը կհամալրի 2025 թվականի ամռանը: Գերմանիայի չեմպիոն և գավաթակիր «Բայերը» տրանսֆերի համար կարող է ստանալ 150 միլիոն եվրո:

Հիշեցնենք, որ Վիրցը 2020 թվականից է հանդես գալիս գերմանական թիմում: Ավարտված մրցաշրջանում Վիրցը «Բայերի» կազմում բոլոր մրցաշարերում մասնակցել է 49 հանդիպման, դարձել 18 գոլի և 20 գոլային փոխանցման հեղինակ: