Մյունխենի «Բավարիայի» նորեկ, Անգլիայի հավաքականի հարձակվող Հարի Քեյնի ընտանիքում համալրում է տեղի ունեցել։
30-ամյա ֆուտբոլիստի կինը որդի է ունեցել։ Այդ մասին Քեյնը հայտնել է սոցցանցերում։
Անգլիայի հավաքականի պատմության լավագույն ռմբարկուն իր կին Քեթի Գուդլանդին ամուսնության առաջարկ էր արել 2017-ին, իսկ երկու տարի անց զույգն ամուսնացել էր։ Նրանք ունեն ևս երեք զավակ՝ Այվին, Վիվիենը և Լուին։
Հիշեցնենք, որ Հարի Քեյնն այս ամռանն է Լոնդոնի «Տոտենհեմից» տեղափոխվել «Բավարիա», որի հետ կնքել է չորս տարվա պայմանագիր։ Ոչ պաշտոնական տվյալներով, տրանսֆերի արժեքը կազմել է 120 միլիոն եվրո։
