տուր
01 Հունվար 1970 - 12:09
- 18-րդ տուրի հանդիպումներով ավարտվեց առաջնության երկրորդ շրջանը:
Տուրի ամենաուշագրավ իրադարձությունները ներկայացնում ենք 10 փաստի տեսքով:
1․ Առաջնության 18-րդ տուրում նախատեսված 4 հանդիպումներից կայացան 3-ը («Լոռին» հրաժարվեց «Արարատի» հետ մրցելուց՝ հետագայում հայտարարելով առաջնությունում ելույթները դադարեցնելու մասին): Դաշտի տերերն ու հյուրերը մեկական հաղթանակ տոնեցին, մեկ խաղում էլ գոլազուրկ ոչ-ոքի գրանցվեց: Առաջնությունում կայացած 71 հանդիպումներում դաշտի տերերն ու հյուրերը 26-ական հաղթանակ են տոնել, 19 խաղ ավարտվել է ոչ-ոքի:
3 խաղում խփվեց 4 գոլ: Առաջնությունում կայացած 71 հանդիպումներում 152 գոլ է գրանցվել: Միջին արդյունավետությունը կազմում է 2,14 գոլ մեկ խաղում:
Կրկին 10 հոգով, կրկին՝ անպարտելի․ VNews-ի ֆոտոշարքն «Ալաշկերտ» – «Շիրակ» հանդիպումից
2․ Ընթացիկ առաջնությունում «Ալաշկերտին» 2-րդ անգամ չհաջողվեց հաղթել «Շիրակին»՝ կրկին բավարարվելով ոչ-ոքի արդյունքով: Առաջնության վերջին երկու խաղերն էլ ալաշկերտցիներն ավարտել են ոչ-ոքի: Աբրահամ Խաշմանյանի գլխավորությամբ առաջնության գարնանային հատվածի 4 հանդիպումներում «Ալաշկերտը» 8 միավոր է վաստակել՝ մնալով անպարտելի:
3․ «Շիրակն» առաջնության երկրորդ անընդմեջ խաղում 10 հոգով չպարտվեց՝ մեկ միավոր վաստակելով մրցաշարի առաջատարներից մեկի հետ մրցավեճում: Նախորդ տուրում էլ շիրակցիներն «Արարատ-Արմենիայի» հետ խաղն էին ավարտել ոչ-ոքի՝ 2-2: Առաջնության գարնանային հատվածի 5 հանդիպումներում գյումրեցիները 3 միավոր են վաստակել:
4․ «Փյունիկն» առաջնությունում 2-րդ հաղթանակը տոնեց: Եղիշե Մելիքյանի գլխավորությամբ առաջնության վերջին 3 խաղերում փյունիկցիներն անպարտելի են՝ վաստակելով 7 միավոր:
5․ Արմեն Ադամյանի գլխավորությամբ «Արարատ-Արմենիան» առաջնությունում անդրանիկ հաղթանակը տոնեց: Ընթացիկ առաջնությունում չեմպիոնը խոշոր հաշվով 2-րդ հաղթանակը տարավ՝ երկրորդ անգամ առավելության հասնելով «Վանի» նկատմամբ: Խոշոր հաշվով առաջին հաղթանակն «Արարատ-Արմենիան» տոնել էր «Շիրակի» նկատմամբ՝ 7 անպատասխան գնդակ ուղարկելով մրցակցի դարպասը: Դա ՀՀ առաջնություններում չեմպիոնի ամենախոշոր հաշվով հաղթանակն է:
