Եվրոպայի 2024թ. առաջնության ընտրական մրցաշարում հունիսի 16-ին կայացան երրորդ տուրի առաջին խաղային օրվա հանդիպումները։

D խմբում ընդգրկված Հայաստանի հավաքականը հյուրընկալվելիս 4-2 հաշվով   կամային հաղթանակ տարավ Ուելսի հավաքականի նկատմամբ։ 

Խմբի մյուս խաղում Թուրքիայի հավաքականը Ռիգայում 3-2 հաշվով հաղթեց լատվիացիներին և 6 միավորով դարձավ առաջատար։ Ուելսն ու աշխարհի առաջնության բրոնզե մեդալակիր Խորվաթիան ունեն 4-ական միավոր, Հայաստանը՝ 3, իսկ Լատվիան միավոր չի վաստակել։ Թուրքիան և Ուելսն անցկացրել են 3-ական խաղ, իսկ Հայաստանը, Խորվաթիան ու Լատվիան՝ 2-ական։

2022թ. աշխարհի առաջնության արծաթե մեդալակիր Ֆրանսիայի հավաքականն արտագնա խաղում մրցեց Ջիբրալթարի հետ, հաղթեց 3-0 հաշվով և 9 միավորով B խմբի առաջատարն է։ Մեկական անգամ աչքի ընկան իտալական «Միլանի» հարձակվող Օլիվյե Ժիրուն, ֆրանսիական ՊՍԺ-ի ռմբարկու Կիլիան Մբապեն, իսկ «Սենտ Ժոզեպսի» պաշտպան Այմեն Մուելհիի հաշվին գրանցվեց ինքնագոլ:

C խմբում Անգլիայի հավաքականը հյուրընկալվելիս 4 անպատասխան գնդակ ուղարկեց Մալթայի թիմի դարպասը։ Անգլիացիները տարան երրորդ հաղթանակը և 9 միավորով գլխավորում են մրցաշարային աղյուսակը։

Եվրո-2024-ի ընտրական փուլ, երրորդ տուր

B խումբ

Ջիբրալթար - Ֆրանսիա` 0-3 (տեսանյութ)

Օլիվյե Ժիրու, 3, Կիլիան Մբապե, 45+3, Այմեն Մուելհի, 78 (ինքնագոլ)

Հունաստան - Իռլանդիա՝ 2-1

Անաստասիոս Բակասետաս, 15, Գիորգոս Մասուրաս, 49 - Նաթան Քոլինզ, 27

Հեռացում՝ Մեթ Դոերտի, 90+5 (Իռլանդիա)

D խումբ

Ուելս - Հայաստան՝ 4-2 (տեսանյութ)

Դենիել Ջեյմս, 10, Հարի Ուիլսոն, 73 - Լուկաս Սելարայան, 19, 75, Հրանտ-Լեոն Ռանոս, 30, 66

Հեռացում՝ Կիֆեր Մուր, 78 (Ուելս)

Լատվիա - Թուրքիա՝ 2-3

Էդուարդ Էմսիս, 51, Կրիստերս Տոբերս, 90+4 - Աբդուլքերիմ Բարդակչի, 22, Չինգիզ Ունդեր, 61, Իֆրան Կախվեջի, 90+5

Հեռացում՝ Էդուարդ Էմսիս, 83 (Լատվիա)

C խումբ

Մալթա - Անգլիա՝ 0-4 (տեսանյութ)

Ֆերդինանդո Արար, 9 (ինքնագոլ), Տրենտ Ալեքսանդր-Առնոլդ, 28, Հարի Քեյն, 31, Կալում Ուիլսոն, 83 (11մ.)

Հյուսիսային Մակեդոնիա - Ուկրաինա՝ 2-3

Էնիս Բարդի, 31 (11մ.), Էլիֆ Էլմաս, 39 - Իլյա Զաբարնի, 62, Եֆիմ Կոնոպլյա, 67, Վիկտոր Ցիգանկով, 83

Հեռացում՝ Վիսար Մուսլիու, 73 (Հյուսիսային Մակեդոնիա)

H խումբ

Ֆինլանդիա - Սլովենիա՝ 2-0  (տեսանյութ)

Յոել Պոհյանպալո, 13, Օլիվեր Անթման, 64

Դանիա - Հյուսիսային Իռլանդիա՝ 1-0

Յոնաս Վինդ, 47

Սան Մարինո - Ղազախստան՝ 0-3

Յան Վորոգովսկի, 37, Ասխաթ Տագիբերգեն, 64 (11մ.)

I խումբ

Անդորրա - Շվեյցարիա` 1-2

Մարսիո Վիեյրա, 67 - Ռեմո Ֆրոյլեր, 7, Զեկի Ամդունի, 32

Բելառուս - Իսրայել՝ 1-2

Մաքս Էբոնգ, 16 - Շոն Վայսման, 85 (11մ.), Օսկար Գլուխ, 90+2

Կոսովո - Ռումինիա՝ 0-0