«Նոայի» գլխավոր մարզիչ Սանդրո Պերկովիչն ամփոփել է չեռնոգորական «Բուդուչնոստի» դեմ ՈՒԵՖԱ-ի Չեմպիոնների լիգայի որակավորման առաջին փուլի պատասխան հանդիպումը (2-2), հայտնում է երևանյան ակումբի մամուլի ծառայությունը:
«Ցանկանում եմ շնորհավորել իմ ֆուտբոլիստներին: Սա անչափ կարևոր հանդիպում էր մեզ համար: Գիտեինք, որ Պոդգորիցայում միայն եղանակը շոգ չէր լինելու, նաև թեժ մթնոլորտ էր մարզադաշտում։ Մենք շտապեցինք կարծել, որ հանդիպումը վաղ է ավարտվել և պատժվեցինք։ Ֆուտբոլում, հատկապես եվրագավաթներում, փոքր սխալների համար միանգամից պատժվում ես: Ամենակարևորն այն է, որ անցանք երկրորդ փուլ»,- ասել է Պերկովիչը:
Ամբողջական ասուլիսը՝ այստեղ:
«Նոայի» ֆուտբոլիստ Ալեն Գրգիչը նույնպես շնորհավորել է թիմին Չեմպիոնների լիգայի որակավորման երկրորդ փուլ անցնելու կապակցությամբ: Մանրամասները՝ տեսանյութում:
Ակումբային գլխավոր եվրագավաթի որակավորման երկրորդ փուլում Հայաստանի չեմպիոնը կմրցի Հունգարիայի չեմպիոն «Ֆերենցվարոշի» դեմ: Առաջին հանդիպումը կկայանա հուլիսի 22-23-ին, պատասխան խաղը՝ հուլիսի 29-30-ին:
