Ֆուտբոլի Հայաստանի տարբեր տարիքային հավաքականներում տեղի են ունեցել մարզչական նոր նշանակումներ, հայտնում է Հայաստանի ֆուտբոլի ֆեդերացիայի պաշտոնական կայքը:
Հայաստանի մինչև 14 տարեկանների հավաքականը գլխավորել է Տիրան Ղազարյանը, Մ15 հավաքականը՝ Էրիկ Նազարյանը, Մ17 հավաքականը՝ Արմեն Պետրոսյանը, Մ18 հավաքականը՝ Վահագն Մինասյանը, Մ19 հավաքականը՝ Ռազմիկ Գրիգորյանը:
Հունվարին ազգային հավաքականի գլխավոր մարզչի պաշտոնում նշանակվել էր ուկրաինացի մասնագետ Ալեքսանդր Պետրակովը:
Բոլոր հավաքականների մարզիչներին ընդունել է Հայաստանի ֆուտբոլի ֆեդերացիայի նախագահ Արմեն Մելիքբեկյանը:
«Պետք է բոլոր հավաքականներն աշխատեն միասին, մարզիչներն օգնեն միմյանց: Կարևոր է շարունակել հետևել արտասահմանում ելույթ ունեցող հայ ֆուտբոլիստներին, բայց չպետք է մոռանալ ներքին առաջնություններում խաղացողներին, որոնք պետք է կազմեն հավաքականների կորիզը: Ընդհանուր բազայում ունենք հարյուրավոր ֆուտբոլիստներ»,- մարզիչների հետ հանդիպմանը նշել է Արմեն Մելիքբեկյանը:
Ֆուտբոլի Հայաստանի բոլոր հավաքականների գլխավոր մարզիչները
Ազգային հավաքական՝ Ալեքսանդր Պետրակով
Հայաստանի Մ21 հավաքական՝ Ռաֆայել Նազարյան
Հայաստանի Մ19 հավաքական՝ Ռազմիկ Գրիգորյան
Հայաստանի Մ18 հավաքական՝ Վահագն Մինասյան
Հայաստանի Մ17 հավաքական՝ Արմեն Պետրոսյան
Հայաստանի Մ15 հավաքական՝ Էրիկ Նազարյան
Հայաստանի Մ14 հավաքական՝ Տիրան Ղազարյան
Կանանց Հայաստանի ազգային հավաքական՝ Արտակ Ադամյան
Կանանց Հայաստանի Մ19 հավաքական՝ Գագիկ Տեր-Գևորգյան
Կանանց Հայաստանի Մ17 հավաքական՝ Մարիամ Ստեփանյան