Եվրոպայի փոխչեմպիոն Ռաֆայել Հովհաննիսյանը (86 կգ) մեկնաբանել է Ուզբեկստանի մայրաքաղաք Տաշքենդում շարունակվող բռնցքամարտի աշխարհի առաջնության 1/8 եզրափակիչում Թուրքիայի ներկայացուցիչի նկատմամբ հաղթանակն ու խոսել առաջիկա մրցակցի մասին:
«Նորմալ էր: Խնդիրների մասին չեմ ցանկանում խոսել, քանի որ հաղթանակը մերն է: Ժամանակից շուտ դադարեցրին մենամարտը: Քառորդ եզրափակիչի մրցակցիս ճանաչում եմ, Վրաստանի ներկայացուցիչ է: Նրան պարտվել եմ Երևանում կայացած Եվրոպայի առաջնության ժամանակ: Այդ մենամարտից շատ դասեր եմ քաղել, հուսով եմ՝ այս անգամ արդյունքն այլ կլինի: Պատրաստվում եմ ռևանշի»,- հայ բռնցքամարտիկի խոսքը մեջբերում է ՀԲՖ-ի մամուլի ծառայությունը:
Հիշեցնենք, որ Երևանում կայացած Եվրոպայի առաջնության 86 կգ քաշային կարգի եզրափակիչում Ռաֆայել Հովհաննիսյանը մրցավարների որոշմամբ պարտվել էր վրացի Գեորգի Կուշինաշվիլիին:
Ֆոտո, տեսանյութ՝ ՀԲՖ-ի մամուլի ծառայություն
