Մոսկվայի «Դինամոյի» և Ռուսաստանի ազգային հավաքականի կիսապաշտպան Արսեն Զախարյանը Sport24-ի հետ զրույցում հումորով է անդրադարձել Լոնդոնի «Չելսի» հնարավոր տեղափոխությանը:

- Տպավորություն կա, որ «Չելսին» Ժոաու Ֆելիշի տրանսֆերային իրավունքը կգնի 111 միլիոն եվրոյով:

- Ի՞նչ 111 միլիոն: Այնտեղ վարձավճար կլինի: Ֆելիշի հետ ամեն ինչ քննարկել ենք. նա կխաղա ձախից, ես՝ կենտրոնում (ժպտում է):

- Հետևո՞ւմ ես «Չելսիի» տրանսֆերային քաղաքականությանը:

- Արդեն ամեն ինչ քննարկել ենք, բոլոր հարցերը որոշված են (ժպտում է):

- Քեզ չե՞ն ճնշում հնարավոր տեղափոխությանդ մասին խոսակցությունները:

- Ո՛չ: Ամեն օր նորություններ եմ կարդում սոցցանցերում: Արդեն նորմալ եմ վերաբերվում այդ ամենին։

Հիշեցնենք, որ ամռանը 19-ամյա ֆուտբոլիստը մոտ էր անգլիական ակումբ տեղափոխությանը, սակայն գործարքը խափանվեց վերջին պահին: 

Արսեն Զախարյանը 2021 թվականի սեպտեմբերից հրավիրվում է Ռուսաստանի հավաքական, որի կազմում մասնակցել է 5 հանդիպման: Ընթացիկ մրցաշրջանում կիսապաշտպանը «Դինամոյի» կազմում անցկացրած 22 խաղում խփել է 3 գոլ և կատարել 6 ասիստ: 

Արսեն Զախարյանը՝ Հայաստանի քաղաքացիություն ստանալու հավանականության մասին