Նիդերլանդների ազգային հավաքականը սկսեց պայքարը ֆուտբոլի աշխարհի 2026 թվականի առաջնության եվրոպական գոտու ընտրական մրցաշարում:

G խմբում Ռոնալդ Կումանի գլխավորած թիմը հյուրընկալվելիս 2-0 հաշվով հաղթեց Ֆինլանդիայի հավաքականին: Գոլ խփեցին հարձակվող Մեմֆիս Դեպայն ու պաշտպան Դենզել Դյումֆրիսը:

Նիդերլանդները երեք միավորով երրորդն է, Ֆինլանդիան 3 հանդիպումից հետո 4 միավորով երկրորդն է, առաջատարը Լեհաստանն է, որը երկու խաղից հետո 6 միավոր ունի:

Ավստրիայի հավաքականը ևս սկսեց պայքարն ընտրական մրցաշարում: Ավստրիացիները H խմբում ընդունեցին Ռումինիայի թիմին և հաղթեցին 2-1 հաշվով:

Ավստրիացիները երեք միավորով հավասարվեցին Ռումինիային, որը երեք խաղ է անցկացրել: Առաջատարը Բոսնիա և Հերցեգովինան է, որը երեք խաղից հետո 9 միավոր ունի:

K խմբում Ալբանիան ու Սերբիան 0-0 հաշիվը գրանցեցին:

Ալբանացիները երեք խաղից հետո 4 միավորով երկրորդն են, Սերբիայի համար սա առաջին խաղն էր: Առաջատարն Անգլիան է, որը երեք խաղից հետո 9 միավոր ունի:

ԱԱ-2026, Եվրոպական գոտու ընտրական մրցաշար, երրորդ տուր

G խումբ

Ֆինլանդիա - Նիդերլանդներ` 0-2 (տեսանյութ)

Մեմֆիս Դեպայ, 6, Դենզել Դյումֆրիս, 23

H խումբ

Ավստրիա - Ռումինիա` 2-1 (տեսանյութ)

Միխայել Գրեգորիչ, 42, Մարսել Զաբիտցեր, 60 - Ֆլորին Տանասե, 90+5

K խումբ

Ալբանիա - Սերբիա` 0-0

ԱԱ-2026-ի որակավորում. Անգլիան ու Բոսնիա և Հերցեգովինան երրորդ անընդմեջ հաղթանակը տարան