Լոնդոնի «Չելսիի» գլխավոր մարզիչ Գրեմ Փոթերը մեկնաբանել է պորտուգալացի հարձակվող Ժոաու Ֆելիշի հեռացումը նորամուտի խաղում:
«Ժոաու Ֆելիշը ֆանտաստիկ էր խաղում մինչև հեռացումը, դուք կարող եք տեսնել նրա մակարդակը: Նա անդադար վտանգավոր տեսք ուներ։ Սա մի տեսակ մարտահրավեր է հարձակվողի համար։ Չեմ կարծում, որ նրա գործողության մեջ չարամտություն կար։ Պարզապես դժբախտ արարք, որի պատճառով մենք կորցրինք նրան:
Չնայած դրան՝ տղաները շարունակեցին խաղալ։ Այդ ժամանակահատվածում «Ֆուլհեմը» շատ շանսեր չուներ, և մենք նույնպես մի քանի հնարավորություն ունեինք, բայց ի վերջո այս երեկոն հիասթափեցնող էր մեզ համար»,- անգլիացի մասնագետի խոսքը մեջբերում է BBC-ն:
Հիշեցնենք, որ «Չելսին» Անգլիայի Պրեմիեր լիգայի 7-րդ տուրից հետաձգված խաղում հյուրընկալվել էր «Ֆուլհեմին» և պարտվել 1-2 հաշվով: Մադրիդի «Աթլետիկոյից» վարձավճարով «Չելսի» տեղափոխված Ֆելիշը խաղին մասնակցել էր մեկնարկից և կոպիտ խախտման համար կարմիր քարտ ստացել 58-րդ րոպեին:
