Փետրվարի 29-ին, «Մոսկվա» կինոթատրոնում կայացավ Գրիգոր Գասպարյանի եւ Արման Սարգսյանի «Բարի օր» ֆիլմի պրեմիերան: Ներկա էին ոչ միայն ֆիլմի ստեղծագործական և դերասանական կազմը, այլև շատ այլ հայտնի հյուրեր:
Ֆիլմի գլխավոր հերոսը հասարակ երևանյան տաքսիստ Հենդոն է: Նրա կյանքը կտրուկ փոխվում է, երբ ինչ-որ հրաշքով նրա ամեն օրը սկսում է կրկնվել բոլոր մանրուքներով։ Հենդոն պետք է կարողանա դուրս գալ այս անլուծելի և անելանելի իրավիճակից։ Բայց ինչպե՞ս։ Չէ՞ որ ամեն առավոտ արթնանալով՝ նա նույն օրն է ապրում։ Հենդոն հասկանում է, որ պետք է փոխվել։ Նա սկսում է կատարելագործվելու, բարիանալու, կրթվելու իր ճանապարհը՝ օրեցօր ուղղելով նախկին սխալները և դառնալով ավելի լավը: Այս դժվարին ճանապարհին նրան սպասում են անհավանական ու զվարճալի արկածներ, ֆանտաստիկ իրավիճակներ ու պատմություններ։
1 ժամ, 40 րոպե տևողությամբ ֆիլմը ֆանտաստիկ կատակերգություն է: Ֆիլմում նկարահանվել են Մհեր Մխիթարյանը, Ռոզի Ավետիսովան, Էվա Խաչատրյանը, Նունուլը, Վարդան Քոչարյանը, Արև Սանթրոսյանը, Գարիկ Մարտիրոսյանը, Արկադի Դումիկյանը, Արմեն (Մենչը) Պետրոսյան, Իվետա Մուկուչյանը, Ռադիկ Գաբրիելյանը, Աշոտ Լյուդվիգովիչը և ուրիշներ:
