«Նյու Ջեներեյշն Փրոջեքթի» նախաձեռնությամբ հունիսի 15-ին Արամ Խաչատրյան համերգասրահում տեղի կունենա բացառիկ համերգ՝ նվիրված շանսոնի լեգենդ Շառլ Ազնավուրի անմահ երաժշտական ժառանգությանը։ Համերգը կներկայացնի անվանի երգիչ Ղասսան Յամմինը՝ Հանրային ռադիոյի էստրադային սիմֆոնիկ նվագախմբի նվագակցությամբ, գեղարվեստական ղեկավար, ՀՀ ժողովրդական արտիստ Երվանդ Երզնկյան։ Երաժշտական երեկոն հանդիսատեսին կպարգևի անմոռանալի հուշեր՝ ներառելով Ազնավուրի ամենասիրելի երգերը Ղասսան Յամմինի մեկնաբանությամբ։
Երգիչ, դաշնակահար, երգահան և կոմպոզիտոր Ղասսան Յամմինը տարիներ շարունակ կատարել է Ազնավուրի երգերը աշխարհի մի շարք բեմերում (Ֆրանսիա, Իտալիա, Սերբիա, Հորդանան)։ Սա նրա երրորդ ելույթն է Հայաստանում։
Ղասսանը MTV հեռուստաալիքի «Musical» հաղորդման պրոդյուսերը և հաղորդավարն է։