Հատիս լեռան գագաթին (2528 մ) օրեր առաջ տրվել է Հիսուս Քրիստոսի մոնումենտալ արձան-համալիրի շինարարության մեկնարկը...
Հետ չմնալով այս պահին ամենաքննարկվող թեմայից՝ Ձեզ ենք ներկայացնում աշխարհի տարբեր ծայրերում Հիսուսի պատվին կանգնեցված ամենաբարձր արձանները։
Մոլորակի վրա Հիսուսի ամենահայտնի արձանը Ռիո դե Ժանեյրոյում գտնվող Փրկչի արձանն է: Բայց նանք, ովքեր կարծում են, թե այն ամենամեծն է աշխարհում, խորապես սխալվում են։ Կորկովադո լեռան վրա գտնվող արձանը, որը նայում է Ռիոյին, Քրիստոսի չորրորդ ամենամեծ արձանն է Երկիր մոլորակի վրա:
1. Նիկարագուա, 26 մետր
El Cristo de la Misericordia-ն հսկայական արձան է Սան Խուան դել Սուր քաղաքում, որը Քրիստոսի ամենամեծ արձանն է Կենտրոնական Ամերիկայում: Այս արձանը տեղացի գործարար Էրվին Գոնսալեսի երազանքն էր, ով իր հարստությունը վաստակել է զբոսաշրջության ոլորտում: Գործարարն այն կառուցել է իր անձնական հողամասում։
2.Կոլումբիա, 26 մետր
Լոս Կրիստալեսի գագաթին՝ երկու լեռներից մեկը, որը գտնվում է Կոլումբիայի Կալի քաղաքի բարձունքում, 1953 թվականին կանգնեցվել է Քրիստո Ռեյի (Քրիստոս Թագավոր) 464 տոննա կշռող արձանը: Այն պետք է խորհրդանշեր խաղաղության և տեղի բնակիչների անվտանգության նկատմամբ հարգանքը։
Արձանին հասնում են միայն ամենաեռանդուն զբոսաշրջիկները, քանի որ այն գտնվում է ծովի մակարդակից 1440 մ բարձրության վրա։
3. Արևելյան Թիմոր, 27 մետր
Քրիստոսի արձանն Ինդոնեզիայի կառավարության նվերն էր Արևելյան Թիմորի ժողովրդին: Կառուցման ժամանակ (1996 թ.) Արևելյան Թիմորն Ինդոնեզիայի նահանգ էր՝ նախքան 2002 թվականին անկախություն ձեռք բերելը։ Այդ ժամանակից ի վեր Քրիստո Ռեյի արձանը դարձել է նոր անկախ պետության գլխավոր զբոսաշրջային վայրերից մեկը։ Ի տարբերություն նմանատիպ արձանների մեծ մասի, Քրիստո Ռեյը պատրաստված է պղնձից, ոչ թե քարից:
4. Պորտուգալիա, 28 մետր
Քրիստոսի պորտուգալական արձանի կառուցման ծրագրերն առաջին անգամ ի հայտ եկան 1940 թվականին, սակայն արձանի կառուցումն ավարտվեց միայն 1959 թվականին։ Եթե պատվանդանի հետ միասին հաշվեք արձանի բարձրությունը, ապա այն կլինի Հիսուսի ամենաբարձր հուշարձանն աշխարհում։
5. Մեքսիկա, 30 մետր
Այս արձանը միակն է ցանկում, որը տեղադրվել է գերեզմանոցում (Սան Ռաֆայել քաղաքում)։ Քանդակագործ Դևիդ Գուտիերես Բեսերիլը 1970-ականների սկզբին վարդագույն քարից պատրաստել է Cristo Recucitado-ն (Հարություն առած Քրիստոսը):
6. Ինդոնեզիա, 30 մետր
Ինդոնեզերեն այս արձանը կոչվում է Christus Kase Berkat: Այն կառուցվել է 2010 թվականին՝ 25 տոննա մետաղական մանրաթելից և 35 տոննա պողպատից։ Արձանն իր դիրքով անսովոր է. Քրիստոսը, ասես, թեքվում է առաջ՝ օրհնելու:
7. Իսպանիա, 30 մետր
Դուք կարող եք գտնել Քրիստո դել Օտերոյին իսպանական Պալենսիա քաղաքի ծայրամասում: Արձանը կառուցվել է 1931 թվականին՝ Art Deco շարժումը հիշեցնող ոճով։
Քրիստո դել Օտերոն ուխտավորների կողմից ամենաշատ այցելվող սուրբ վայրերից մեկն է։
8. Բրազիլիա, 30,1 մետր
Թերևս ամենահայտնի Հիսուսի արձանը Քրիստո Ռեդենտորն է՝ Հիսուսի` աշխարհում չորրորդ ամենաբարձր արձանը: Այն նաև այս ցանկի արձաններից ամենահինն է՝ այն կառուցվել է 1926-1931 թվականներին: 2010 թվականին կայծակից վնասվել են արձանի մատները, գլուխը, հոնքերը, որից հետո վերականգնողական աշխատանքներ են իրականացվել ու կայծակաձողեր են տեղադրվել։ Այսօր Քրիստոսի արձանը Բրազիլիայի ամենաճանաչելի խորհրդանիշներից մեկն է:
9. Լեհաստան, 33 մետր
Լեհաստանի Սվիեբոձին քաղաքում տեղադրվել է մոլորակի վրա Հիսուսի ամենաբարձր արձանը (եթե թագն էլ հաշվենք)։ Բետոնի և ապակե մանրաթելից նախագիծն ավարտվել է 2010թ.-ին: Բարձրությունը (33 մետր) խորհրդանշում է այն տարիքը, երբ ենթադրվում է, որ Հիսուսը մահացել է: Արձանի ընդհանուր քաշն ավելի քան 440 տոննա է։
10. Բոլիվիա, 34,2 մետր
Քրիստո դե լա Կոնկորդիայի արձանը կարելի է գտնել Կենտրոնական Բոլիվիայի Կոչաբամբա քաղաքի արևելյան մասում։ Արձանի մոտ, որը կանգնած է Սան Պեդրո բլրի վրա, կարելի է բարձրանալ ճոպանուղով։
«Աշխարհի Քրիստոսը» աշխարհում ամենածանր է (2200 տոննա), ամենաբարձրը և ամենաբարձրում տեղադրված արձաններից մեկը (2840 մետր):
