Մյունխենի «Բավարիայի» կիսապաշտպան Ջամալ Մուսիալան նշել է, թե մանուկ հասակում ո՛ր ֆուտբոլիստներն են եղել իր կուռքերը, գրում է The Athletic-ը։
«Մանուկ հասակում կուռքերիս տեսնում էի պաստառներին և չէի պատկերացնում, որ մի օր նրանց փոխարեն ես էլ կլինեմ։ Վիդեոխաղեր էի խաղում ընկերներիս, հորս և քրոջս հետ։
Ռոնալդինյոն, Մեսին, Նեյմարը և Ռոնալդուն անհասանելի էին ինձ համար։ Նրանք իմ կուռքերն էին։ Ես հիանում էի նրանց վարպետությամբ, այնուհետև գնում էի այգի և գնդակով փորձում կրկնել նրանց հնարքներն ու հասկանալ, թե ինչ կարող եմ սովորել սիրելի ֆուտբոլիստներից։
Վաղ հասակում սիրում էի դիտել այն ֆուտբոլիստների խաղը, որոնք ինձ ուրախացնում էին։ Հենց այդպիսի խաղացող էլ ձգտել եմ դառնալ։ Պարզապես ցանկանում էի լինել գնդակով»,- ասել է գերմանացի ֆուտբոլիստը։
Մուսիալան Մադրիդի «Ռեալի» կիսապաշտպան Ջուդ Բելինգհեմի հետ կլինի FC հանրահայտ վիդեոխաղի 2026թ. թողարկման շապիկին։
