«Բարսելոնայի» եզրային հարձակվող Ռաֆինյան, որը «Ինտերի» դեմ Չեմպիոնների լիգայի կիսաեզրափակիչի պատասխան խաղում աչքի ընկավ գոլով, կրկնել է «Ալ Նասրի» հարձակվող Կրիշտիանու Ռոնալդուի արդյունավետության ռեկորդն ակումբային եվրագավաթների գլխավոր մրցաշարում:
Բրազիլացին իր 21-րդ արդյունավետ գործողությունը կատարեց Չեմպիոնների լիգայի ընթացիկ մրցաշրջանում: Նա 13 գոլ է խփել ու կատարել 8 ասիստ: Մեկ մրցաշրջանում գոլերի ու գոլային փոխանցումների հանրագումարով Ռաֆինյան կրկնում է Ռոնալդուի ցուցանիշը: Պորտուգալացին «Ռեալի» կազմում 2013/14 մրցաշրջանում խփել էր 17 գոլ ու կատարել 4 ասիստ:
Ռոնալդուն այդ ցուցանիշը գրանցել է՝ անցկացնելով 11 խաղ, մինչդեռ Ռաֆինյայից 21 արդյունավետ գործողություն կատարելու համար պահանջվել է 14 խաղ:
