Իտալիայի գավաթակիր «Ինտերի» մարզական տնօրեն Պիերո Աուզիլիոն հաստատել է, որ միլանյան ակումբն աշխատում է Հայաստանի հավաքականի նախկին կիսապաշտպան Հենրիխ Մխիթարյանի հետ նոր պայմանագիր կնքելու շուրջ։
«Մենք ցանկանում ենք շարունակել մեր համագործակցությունը։ Հիմա մենք արագացնում ենք այդ գործընթացը»,- Աուզիլիոյի խոսքը մեջբերում է Նիկոլո Սկիրան։
#Inter’s sports director Piero #Ausilio confirms Henrikh #Mkhitaryan’s contract extension: “We want to continue together. We are accelerating…”. Expected a meeting in the next days to finalize the renewal until 2025. #transfers https://t.co/3uS3H6KU0m
— Nicolò Schira (@NicoSchira) December 5, 2023
Հենրիխ Մխիթարյանի գործող պայմանագրի ժամկետը լրանում է 2024 թվականի ամռանը: Վերջին շրջանում իտալական մամուլում լուրեր են շրջանառվում, որ 34-ամյա ֆուտբոլիստի նոր պայմանագիրը նախատեսված կլինի «1+1» ձևաչափով։
Հիշեցնենք, որ Հենրիխ Մխիթարյանը 2022 թվականի ամռանը «Ռոմայից» է տեղափոխվել «Ինտեր», որի կազմում անցկացրել է 67 խաղ, խփել 7 գոլ ու կատարել 6 գոլային փոխանցում: Transfermarkt-ը նրա տրանսֆերային արժեքը գնահատում է 6 միլիոն եվրո։
