Սլովակիայի առաջնության 22-րդ տուրում Բրատիսլավայի «Սլովանը» սեփական խաղադաշտում 4-1 հաշվով առավելության է հասել «Տրնավայի» նկատմամբ:

Տանտերերի չորրորդ գոլը խփել է Հայաստանի ազգային հավաքականի եզրային հարձակվող Տիգրան Բարսեղյանը (11մ), որը փոխարինման է մտել հանդիպման 68-րդ րոպեին:

Ընթացիկ մրցաշրջանում Բարսեղյանը «Սլովանի» կազմում մասնակցել է 27 խաղի, խփել 8 գոլ, կատարել չորս գոլային փոխանցում: 

«Սլովանը» 22 տուրերից հետո 47 միավորով երկրորդն է, իսկ «Տրնավան»՝ 40 միավորով երրորդը:

Սլովակիայի առաջնություն, 22-րդ տուր

«Սլովան» - «Տրնավա»՝ 4-1

Յուրայ Կուցկա, 17, Ալեքսանդար Չավրիչ, 37, Մալիկ Աբուբակարի, 39, Տիգրան Բարսեղյան, 81 (11մ) - Սեբաստիան Կոսա, 58

Հեռացում՝ Քրիստիան Կոստրնա, 77 («Տրնավա»)