Լևերկուզենի «Բայերը» Գերմանիայի գավաթի խաղարկության 1/8 եզրափակիչում ընդունեց «Պադերբորնին» և հաղթանակի հասավ 3-1 հաշվով:
Տանտերերից գոլով աչքի ընկան Վիկտոր Բոնիֆասեն, Էզեկել Պալասիոսը և Պատրիկ Շիկը: Հյուրերի միակ գոլը խփեց Սեբաստյան Կլաասը:
«Բայերը» բոլոր մրցաշարերում անպարտելիության շարքը հասցրեց 24 խաղի:
«Շտուտգարտն» ընդունեց Դորտմունդի «Բորուսիային» և հաղթանակի հասավ 2-0 հաշվով: Գոլով աչքի ընկան Սերու Գիրասին ու Սիլասը:
«Շտուտգարտը» պաշտոնական խաղերում տարավ չորրորդ անընդմեջ հաղթանակը, իսկ «Բորուսիան» սայթաքեց երկրորդ խաղն անընդմեջ:
Քառորդ եզրափակիչի զույգերը հայտնի կդառնան վիճակահանությունից հետո: «Շտուտգարտից» ու «Բայերից» բացի, ուղեգիր են նվաճել նաև «Սարբրյուկենը», Մյոնխենգլադբախի «Բորուսիան», «Հերտան», «Սանկտ Պաուլին», «Կայզերսլաուտերնն» ու «Ֆորտունա Դյուսելդորֆը»:
Գերմանիայի գավաթ, 1/8 եզրափակիչ
«Բայեր Լևերկուզեն» - «Պադերբորն»՝ 3-1
Վիկտոր Բոնիֆասե, 12, Էզեկել Պալասիոս, 28, Պատրիկ Շիկ, 87 - Սեբաստյան Կլաաս, 83
«Շտուտգարտ» - «Բորուսիա Դորտմունդ»՝ 2-0
Սերու Գիրասի, 55, Սիլաս, 77
