Լոնդոնի «Չելսին», Անգլիայի լիգայի գավաթի խաղարկության կիսաեզրափակիչ փուլի պատասխան խաղում հաղթելով «Տոտենհեմին» (1։0), ուշագրավ նվաճման հասավ:

Գերմանացի գլխավոր մարզիչ Թոմաս Տուխելը մեկ տարուց էլ պակաս ժամանակահատվածում կարողացավ արդեն երրորդ մրցաշարի եզրափակիչ հասցնել «Չելսիին»՝ տեղեկացնում է «Opta»-ն։ Նշվում է, որ Տուխելը նման ցուցանիշի է հասել 350 աշխատանքային օրվա ընթացքում։ Նրա ղեկավարությամբ «Չելսին» արդեն խաղացել է Չեմպիոնների լիգայի և Անգլիայի գավաթի եզրափակիչներում։ Դա աննախադեպ նվաճում է ակումբի տարեգրության մեջ։

Հիշեցնենք, որ Չեմպիոնների լիգայի նախորդ խաղարկության վճռական խաղում «ազնվականները» 1։0 հաղթել են «Մանչեսթեր Սիթիին», իսկ Անգլիայի գավաթի եզրափակչում նույն հաշվով զիջել են «Լեսթերին»։