Իսպանիայի հավաքականի և «Վալենսիայի» կիսապաշտպան Կառլոս Սոլերը գրանդ ակումբների տրանսֆերային թիրախում է:
Liverpool Echo-ի տեղեկություններով՝ Սոլերի ծառայություններով հետաքրքրված են անգլիական «Լիվերպուլը», իտալական «Յուվենտուսը», իսպանական «Ատլետիկոն» և «Բարսելոնան»:
Նշվում է, որ բացի այս 4 թիմից, իսպանացի ֆուտբոլիստին թիրախավորել է ևս մի քանի թոփ ակումբ: Աղբյուրի համաձայն՝ Սոլերը դեմ չէ հեռանալ «Վալենսիայից» և խաղալ ավելի բարձրակարգ թիմում:
2021/2022 մրցաշրջանում 25-ամյա ֆուտբոլիստը «Վալենսիայի» կազմում բոլոր մրցաշարերում մասնակցել է 38 հանդիպման, խփել 12 գոլ և կատարել 5 ասիստ: Սոլերի՝ «չղջիկների» հետ պայմանագիրը գործում է մինչև 2023 թվականի ամառ:
Transfermarkt-ն Իսպանիայի հավաքականի ֆուտբոլիստի տրանսֆերային արժեքը գնահատում է 50 միլիոն եվրո:
