Միլանի «Ինտերի» կիսապաշտպան Հենրիխ Մխիթարյանը կարծում է, որ թիմը պետք է 200 տոկոսով նվիրվի` Չեմպիոնների լիգայի կիսաեզրափակիչում «Բարսելոնայի» արգելքը հաղթահարելու համար, հայտնում է ՈՒԵՖԱ-ի պաշտոնական կայքը.
«Պետք է 200 տոկոսով նվիրվենք` հաղթելու համար։ Գիտենք, որ կարող ենք եզրափակիչ դուրս գալ, ու բոլորս երազում ենք դրա մասին։ Այսօր երեկոյան մենք կրկին կտանջվենք։ Մենք ամբողջ թիմով կտանջվենք, քանի որ ցանկանում ենք հաղթել։ Տանն ենք խաղալու` մեր երկրպագուների ներկայությամբ, ու հիանալի կլինի նրանց հետ հաջողությունը նշելը»,- ասել է Հայաստանի ազգային հավաքականի բոլոր ժամանակների գլխավոր ռմբարկուն։
«Բարսելոնան» ու «Ինտերը» դիմակայության առաջին խաղում Կատալոնիայի մայրաքաղաքում 3-3 հաշիվն են գրանցել։ Պատասխան հանդիպումը կկայանա մայիսի 6-ին և ժամը 22:45-ից կլինի «Ֆասթ Սպորտ»-ի ուղիղ եթերում։
