«Մանչեսթեր Յունայթեդի» պատմության մեջ գլխավոր ռմբարկու, Անգլիայի ազգային հավաքականի լեգենդար հարձակվող Ուեյն Ռունին ներկա է եղել Չեմպիոնների լիգայի կիսաեզրափակիչի «Ինտեր» - «Բարսելոնա» պատասխան հանդիպմանը (4-3), հայտնում է միլանյան գրանդի մամուլի ծառայությունը:
«Ներաձուրիի»` մրցաշարի եզրափակիչ դուրս գալուց հետո Ռունին գրկախառնվել է ակումբի ֆուտբոլիստներ Հենրիխ Մխիթարյանի, Մատեո Դարմիանի և Մարկուս Թյուրամի հետ։
Մխիթարյանը, Դարմիանն ու Ռունին միասին հանդես են եկել «Մանչեսթեր Յունայթեդում»։
Հանդիպմանը ներկա է եղել նաև «Ինտերի» նախկին կիսապաշտպան Կլարենս Զեդորֆը, որը նույնպես շնորհավորել է ակումբի ֆուտբոլիստներին։
