Նարեկ Մանասյանը (92 կգ) հաղթանակով մեկնարկեց Սերբիայի մայրաքաղաք Բելգրադում ընթացող բռնցքամարտի Եվրոպայի առաջնությունում:
Աշխարհի ու Եվրոպայի առաջնության բրոնզե մեդալակիրը 1/8 եզրափակիչում 4-0 հաշվով հաղթեց սլովակ Դավիդ Միչալեկին:
Եվրոպայի փոխչեմպիոն Ռաֆայել Հովհաննիսյանն էլ (80 կգ) 1/8 եզրափակիչում 3-4 հաշվով պարտվեց Հյուսիսային Մակեդոնիան ներկայացնող Արջան Իսենին:
Քիչ անց ռինգ դուրս կգան նաև Գուրգեն Մադոյանը (71 կգ) և աշխարհի փոխչեմպիոն Դավիթ Չալոյանը (+92 կգ):
Հիշեցնենք, որ երկրորդ մրցումային օրն Արթուր Սահակյանը (60 կգ) մեկնարկում հաղթել էր Եվրոպայի գործող չեմպիոն, Վրաստանը ներկայացնող հայ բռնցքամարտիկ Արտուշ Գոմցյանին, իսկ Վախթանգ Հարությունյանը (75 կգ) պարտվել էր հունգարացի մրցակցին:
