Հայաստանի ազգային հավաքականի նախկին պաշտպան Միշել Տեր-Զաքարյանի գլխավորությամբ ֆրանսիական «Մոնպելյեն» Լիգա 1-ի վերջին 6 խաղում գրանցել է 5 հաղթանակ և մեկ ոչ-ոքի:
Ֆրանսիայի առաջնության 28-րդ տուրում «Մոնպելյեն» սեփական խաղադաշտում 2-1 հաշվով առավելության է հասել «Կլերմոնի» նկատմամբ:
Տանտերերից դուբլի հեղինակ է դարձել ֆրանսիացի հարձակվող Էլյե Վաին, իսկ «Կլերմոնի» միակ գոլը խփել է թունիսցի կիսապաշտպան Սաիֆ-Էդինը:
Հիշեցնենք, որ նախորդ տուրերում Միշել Տեր-Զաքարյանի գլխավորած թիմը հաղթել էր «Այաչոյին» (1-0), «Անժեին» (5-0), «Տրուային» (1-0), «Բրեստին» (3-0) և ոչ-ոքի խաղացել «Լանսի» հետ (1-1): Տեր-Զաքարյանի վերադարձից հետո «Մոնպելյեն» անպարտելի է:
Լիգա 1-ի 27-րդ տուրից հետո «Մոնպելյեն» 36 միավորով 11-րդ տեղում է։
Ֆրանսիայի առաջնություն, 28-րդ տուր
«Մոնպելյե» - «Կլերմոն»՝ 2-1 (տեսանյութ)
Էլյե Վաի ,61, 72 - Սաիֆ-Էդին, 32
Հեռացում՝ Ժորդան Ֆերի, 90+1
